06. Dezember 2014

miär miänd diär eppis verzellä....

Samichlais dui liebä Maa,
lueg doch einisch dä Güsel aa, 
ez miemer wirklich es paar Ruete ha.
 
Eigentlich hemmier ja ganz liebi Gescht
aber gwissi ubertriibits eifach z fescht.
A dem huere Dräck hend mier gar nid Freid,
d Awohner, Spaziergänger und Gmeind –  hends iis ai scho gseid.
 
De Jimmy luegt gued, so gued wis gad,
und ruimt uif was umeliid und stahd.
Doch gids haut immernu meh als gnueg
wo ihrä Dräck nid chend i Güsel tue!!
 
Samichlaus du liebe Maa,
mier wettid doch nur echli Ordnig ha.
Drum nimm doch das Lumpä Pack
und stecksi i dii  grossi Sack.
So dass sie negschdmal e chli meh studierid
und ihri War I Gisu rierid!
 
Gäu du tuesch iis ai im nächschte Jahr unterstiitze,
damit  mier das Huis wiiterhin chend benitze..
So dass Jung und Alt nu lang chend Fräid dra ha
und ai eychi Chind nu chend I SENKEL ga.